Асаяке ХХК 2013 оноос хойш Японы гоо сайхан, эрүүл мэнд, гэр ахуйн бүтээгдэхүүнийг албан ёсны эрхээр оруулж, Улаанбаатар хотын 4 салбараараа үйлчилж байна. asayake.mn-ээс захиалга өгөхөөсөө өмнө доорх нөхцөлтэй танилцана уу — захиалга өгснөөр та эдгээрийг зөвшөөрсөнд тооцогдоно.

Захиалга ба гэрээ

Таны өгсөн захиалга бол худалдан авах санал юм. Захиалгын дүн 100% төлөгдөж, бид захиалгыг баталгаажуулснаар худалдах, худалдан авах гэрээ байгуулагдсанд тооцно.

Барааны үлдэгдэл дууссан, эсвэл сайт дээр үнэ алдаатай гарсан тохиолдолд бид захиалгыг цуцалж, төлсөн дүнг тань бүрэн буцаан олгоно. Энэ тухай танд мэдэгдэнэ.

Захиалга өгөхдөө нэр, утасны дугаар, хаягаа зөв оруулна уу — бид эдгээрээр тантай холбогдож, захиалгыг тань хүргэнэ.

Үнэ

Сайт дээрх бүх үнэ Монгол төгрөгөөр (₮) харагдана. Хүргэлтийн төлбөр барааны үнэд ороогүй бөгөөд захиалга хийх үед тусад нь харагдана.

Төлбөр

Төлбөрийг захиалга хийх үедээ QPay-гээр эсвэл дансаар шилжүүлэх замаар төлнө.

StorePay-гээр төлөх бол Facebook Messenger эсвэл 9450-9911 дугаараар манай ажилтантай холбогдож тохиролцоно уу.

Захиалга 100% төлөгдсөний дараа баталгаажиж, бэлтгэл эхэлнэ.

Хүргэлт ба очиж авах

Улаанбаатар хот: Буухиа Элчээр 24–72 цагийн дотор хүргэнэ. Хүргэлтийн төлбөр 6,600₮.

Орон нутаг (унаагаар): захиалгыг орон нутаг руу явах унаанд тавьж илгээнэ. Захиалга хийхдээ барааг унаанд хүргэх хотын доторх хүргэлтийн төлбөр болох 6,600₮-ийг төлнө. Унааны хөлс нь унаа болон илгээмжийн хэмжээнээс хамаарч өөр өөр байх бөгөөд хүлээн авагч барааг авахдаа жолоочид өөрөө төлнө. Унааны мэдээллийг манай ажилтан тантай холбогдож тохиролцоно.

Очиж авах: манай 4 салбарын аль нэгийг сонгож болно. Ажилтан таны захиалгыг сонгосон салбарт бэлтгэж, бэлэн болмогц танд мэдэгдэнэ.

Илгээмжээ хүлээн авахдаа заавал шалгана уу. Хүргэлтийн явцад гэмтэл учирсан бол дараагийн ажлын өдөрт багтаан 9450-9911 дугаарт мэдэгдэнэ үү — ийм гэмтэл таны буруугаас болоогүй тул нээгдсэн барааг буцаахгүй гэсэн журамд хамаарахгүй.

Цаг агаар, замын нөхцөл зэрэг бидний хяналтаас гадуурх шалтгаанаар хүргэлт хоцорч болзошгүйг анхаарна уу.

Буцаалт, солилт ба баталгаа

Манай бүх бараа Японоос албан ёсны сувгаар орж ирдэг. Савлагаан дээрх JAN баркодоор эх бүтээгдэхүүн эсэхийг шалгах боломжтой.

Гэмтэлтэй, согогтой эсвэл захиалгаас өөр бараа ирвэл бид захиалсан, гэмтэлгүй бараагаар сольж, эсвэл төлсөн мөнгийг тань буцаан олгоно.

Иргэний хууль болон Хэрэглэгчийн эрхийг хамгаалах тухай хуулийн дагуу барааны чанар, аюулгүй байдлын баталгаа хүлээн авснаас хойш 6 сарын хугацаанд хүчинтэй. Энэ хугацаанд таны буруугүйгээр далд согог илэрвэл бид барааг сольж, эсвэл төлсөн мөнгийг тань буцаан олгоно.

Лац, савлагаа нь нээгдсэн эсвэл хэрэглэсэн гоо сайхан, эрүүл ахуйн барааг ариун цэврийн шаардлагын улмаас «таалагдаагүй», «санаа өөрчлөгдсөн» гэх мэт шалтгаанаар буцаах, солих боломжгүй. Энэ нь хуулиар олгосон таны эрх, тэр дундаа согогтой бараатай холбоотой эрхийг хязгаарлахгүй.

Хүсэлт гаргах дараалал:

1. Барааг хүлээн авмагц шалгаж, асуудал илэрвэл 9450-9911 дугаарт залгах эсвэл Facebook Messenger-ээр бичнэ үү.

2. Захиалгын дугаар болон гэмтэл, согогийг харуулсан зураг эсвэл видеог илгээнэ үү.

3. Манай ажилтан ирүүлсэн нотолгоо болон барааны бодит байдлыг шалгаж, солих эсвэл мөнгө буцаах шийдлийг санал болгоно.

4. Мөнгө буцаан олгохоор шийдвэрлэсэн бол төлсөн дүнг тань буцаан шилжүүлнэ.

Илт худал мэдээлэл (жишээ нь хэрэглэсний дараа «гэмтэлтэй ирсэн» гэх) илэрвэл бид хүсэлтээс татгалзах эрхтэй.

Хувийн мэдээлэл

Бид захиалга хийх үед таны оруулсан нэр, утасны дугаар, хаягийг л Хүний хувийн мэдээлэл хамгаалах тухай хуулийн дагуу цуглуулж, зөвхөн захиалгыг хүргэх, тантай холбогдох зорилгоор ашиглана. Таны мэдээллийг гуравдагч этгээдэд хэзээ ч худалдахгүй.

Карт, банкны мэдээллийг төлбөрийн үйлчилгээ үзүүлэгч (QPay эсвэл банк) боловсруулдаг бөгөөд манай дэлгүүр хадгалдаггүй.

Холбоо барих

Утас: 9450-9911. Facebook: facebook.com/AsayakeJapaneseDrugstore

Орос элчин салбар (Мөнгөн Завьяагийн урд), Их наяд плаза салбар, Яармаг FOOD CITY салбар — өдөр бүр 11:00–20:00.

Japan Town салбар (Four Seasons Garden, C6, 3-р давхар) — Даваа–Баасан 09:00–18:00, Бямба–Ням 10:00–19:00. Утас: 9477-1877.

Маргаан шийдвэрлэх

Аливаа асуудлыг эхлээд 9450-9911 дугаараар холбогдон харилцан ойлголцлын үндсэн дээр шийдвэрлэхийг эрмэлзэнэ. Тохиролцоонд хүрээгүй бол та Монополын эсрэг газарт эсвэл Монгол Улсын эрх бүхий шүүхэд хандах эрхтэй. Энэхүү нөхцөлд Монгол Улсын хууль үйлчилнэ.

Бид нөхцөлөө шинэчлэх эрхтэй. Шинэчилсэн хувилбар энэ хуудсанд нийтлэгдсэнээс хойш өгсөн захиалгад хамаарна.

Шинэчилсэн: 2026.10.01